Jun 22 , 2021
「咦，你好似肥咗？」
「咩呀，水腫之嘛！」
依類對話經常出現系女生嘅對話裏面！
雖然不知道係肥定係水腫，但水腫係可以系飲食等方面着手去解決或預防㗎！眾所周知黑咖啡、紅豆水都係可以去水腫既飲品，不過並非人人都能夠接受呢！
其實當然最有效既方法係減低食用高納加工食品，不過經常外出食飯係很難避免，所以可以系飲食著手，消水腫既關鍵成分就是鉀，只要食高鉀質食物，就可以擊退水腫啦！
高鉀飲食秘訣
早餐可以系穀物片加入豆漿或低脂牛奶代替麵包，或以番薯或粟米代替腸粉
可以利用薯仔、番薯、粟米代替米飯，或將材料做成健康沙律
午餐或者晚飯各食一碗瓜或菜，記住唔好加鹽分醬汁（例如腐乳、蠔油、豉油)
高鉀質食物
水果類：香蕉、奇異果、木瓜、橙、蜜瓜、牛油果、火龍果、提子乾
蔬菜類：菠菜、木耳、薯仔、紅蘿蔔、蕃茄、番薯、西蘭花、南瓜、蘑菇
其他：葵花籽、杏仁、牛奶、乳酪、黃豆、豆奶、綠豆、吞拿魚、鱈魚
有咁多選擇，可以自己慢慢去調配食材啦！
