【茶樹油可以解決暗瘡？】

茶樹油亦算係一種大熱治暗瘡治療產品，甚至有針對暗瘡性皮膚既護膚品，主打以茶樹油作產品主要成分，強調可以去暗瘡、減輕皮膚發炎、改善毛孔閉塞，但使用不當會灼傷皮膚，甚至留下小疤痕！

究竟茶樹油係啲咩？

茶樹油係一種叫茶樹既植物，提取出精華再提煉出來既精油。茶樹油有殺滅暗瘡菌、減輕皮膚炎症功效，好多暗瘡治療既產品當中，都含有茶樹油成分，可以減低暗瘡惡化以及治療暗瘡。不過茶樹油係精油一種，系使用前必須先經過稀釋，如果使用濃度太高既茶樹油，有機會系皮膚上造成灼傷，仲可能留下疤痕！